3 «В» сынып оқушыларымен “Нұр себеле, Ұлыстың ұлы күні!” тақырыбында мерекелік кеш өткізілді.

3 «В» сынып оқушыларымен “Нұр себеле, Ұлыстың ұлы күні!” тақырыбында мерекелік кеш өткізілді.

Мақсаты: Оқушыларға Ұлыстың ұлы күні туралы және дүниежүзі халықтарының Наурыз мерекесін тойлауы туралы толық мағлұмат беру, халқымыздың салт – дәстүрін, әдет – ғұрпын үйрете отырып, “Наурыз” қазақтың ұлттық мейрамы екенін ашып көрсету.

Мерекелік кеште бүкіл тіршілік аталуының түрленіп, жаңаруы паш етілді. Мейрамның ең қадірлі дәмдері мен қасиетті сөздері кеңінен насихатталды.

Қазақ халқының ұлттық ойындарының бірі – асық ойындары, арқан тартыс, қазақ күресін шәкірттеріміз мектеп сахнасында  көрсете білді.

Ұлттық ойындар – халқымыздың өмірімен бірге дамып келе жатқан  мәдени жетістіктерінің маңызды бір саласы.

Олар – ата бабамыздан бізге жеткен асыл қазынамыз. Бұл ойындарды ежелде ата-бабаларымыз тойларда, жиындарда, үлкен мерекелерде ойнаған. Ұлттық ойындар осылайша атадан балаға, үлкеннен кішіге мұра болып жалғасып отырған және халықтың дәстүрлі шаруашылық, мәдени, өнер тіршілігінің жиынтық бейнесінің көрінісі  болған.

Сынып жетекшісі Касимова Бақыткүл Советбекқызы